"ელიტური" ჭორიკანები

კოლეგებზე ან მეზობლის რძალზე ჭორაობისას ტიპიურ ჭორიკანას ოდნავ შესამჩნევი, პატარა სიმწრის გრძნობა აქვს, რადგან მაყვალაზე ჭორაობით ის მაყვალას ხდის აქტუალურ თემად, ეს იმას ნიშნავს, რომ მაყვალას ცხოვრება საინტერესოა და საერთოდ, მასზე ჭორაობა ზედმეტი პატივია მაყვალასთვის.  

ჭორაობა ცუდია, მაგრამ სხვა თუ არ გაჭორე თავს არარაობად იგრძნობ, იმიტომ, რომ სხვისი გაშავების ხარჯზე შენს უბედურ თვითშეფასებას იმაღლებ. 

ამიტომ, ახლობელ-მეზობელზე ჭორაობა თუ გერიდება "ტელევოზორის" ხალხი გაჭორე - ნანუკა ჟორჟოლიანის ჩაცმულობაზე იღადავე, შორენა ბეგაშვილის საყვარლების სია შეადგინე, "ჩემი ცოლის დაქალების" ჩიკაზე და კიკაზე იჭორავე. 

გაინტერსებეს რას აკეთებს უფრო "მაღალხარისხიანი", "ელიტური" ჭორიკანა?  ის ბუკინგემის სასახლეს ბინადრებს ჭორავს. ეს ძალიან პრესტიჟულია :)) ამ დროს სინდისიც არ აწუხებს, პირიქით განათებული სახით ამაყად ყვება, რომ "მეგანისნაირი" დიადემა მისი მაზლის ცოლის ნათლიის შვილსაც ეკეთა ქორწილში და ძალიან ამაყობს, რომ ვიღაცა მაყვალაზე და ჩიკაზე კი არა, თავად დედოფალ ელისაბედზე და მის ოჯახზე ლაპარაკობს. 

ანუ, დაბალი დონის ჭორიკანა თავის ნაცნობებზე ჭორაობს, "მაღალი დონის" ჭორიკანა კი, "მსოფლიო ელიტაზე" :)

როცა შენი ჭორაობის ობიექტი, მაგალითად, მეზობელი ან კოლეგა მდიდარ კაცს გაჰყვა ცოლად და ახლა სეიშელის კუნძულებზე თაფლობის თვეზეა, მასზე ჭორაობა სიამოვნებას აღარც განიჭებს, იმიტომ, რომ გშურს მისი. ამიტომ ჯობია მაღალი დონის ჭორიკანა იყო და ისევ პრინც ჰარიზე, მეგანზე, ელისაბედზე და ვიქტორია ბექხემზე იჭორავო, იმიტომ, რომ ეს უფრო დაგამშვიდებს.

ელიტურ პერსონებზე ლაპარაკით, შენც "გაელიტდები" და სეიშელზე მყოფ ნაცნობ მაყვალასაც აგრძნობინებ, რომ "გკიდია" მისი ბედნიერება და აგერ მეგანი ვაბშე მაგარი გოგოა და ვაბშე პრინცს გაჰყვა ცოლად)

"- გოგო, იცოდი, რომ  დევიდ ბექჰემმა ვიქტორია სასამართლოში გაიცნო?

- არა გოგო რას ამბობ, ვივიენ ვესტვუდის ძმისშვილის დაბადების დღეზე გაიცნო, მე ეგრე ვიცი.

- აუ კარგი რა, მე მასწავლი ახლა? მაგათი საგვარეულო და მთელი ისტორია ვიცი ზეპირად" - ამაყად აცხადებს ქათმუშკა და თან უხარია, რომ ამ ქვეყანას ზუსტად იმ მისიით მოევლინა, რომ ვიქტორია და დევიდ ბექჰემების ცხოვრების არაოფიციალური მემატიანე იყოს. ისე, "ცუდ ჭორიკნობას", "ელიტური ჭორიკნობა" ჯობია არა? 

ვიღაცის რეპუტაციის გაფუჭებით საკუთარი თვითშეფასების ამაღლებას და საერთოდ ასეთ ცოდვის ჩადენას არ ჯობია ისევ ჩიკას ქმარზე და ვიკას ფეხსაცმელზე ილაპარაკო? ცნობილი ბრენდები "განიხილო", ან ის - მონიკა ბელუჩი უფრო ლამაზია თუ სოფია ლორენი.

ნორმალურ ადამიანს არ უნდა აინტერესებდეს უცხო ადამიანების ცხოვრების დეტალები და არ უნდა განიხილავდეს ამას, როგორც დღის მთავარ მოვლენას, მაგრამ საკუთარი ცხოვრება როცა უფერული გაქვს, სხვა რა გზა დაგრჩენია?

- ვაიმე გოგო, გუშინ ნანუკას ისეთი ლამაზი ზედა ეცვა... 

- მე კიდე, მაია ასათიანის ლიფი მომეწონა

- ლიფი სადღა შეამჩნიე გოგო?

- ოხ, ხომ იცი, მე ვერაფერს ვერ გამომაპარეეეებ...