შინაგანად თუ იხრწნი და იტანჯები, ეს სახის კანზე და გამომეტყველებაზე გეტყობა.
...
ზაფხულია. ჩემს წინ ქალი დგას ზურგით.
მოხდენილია, გარუჯული, გრძელი შავი თმებით. ლამაზი თეთრი კაბა აცვია.
ლამაზ სილუეტს მაინც ეტყობა, რომ სადღაც 40 -45 წლისაა.
აჰა! მონიკა ბელუჩის, მაკა ასათიანის და მეგან ფოქსის mix-სი წარმოვიდგინე და მოუთმენლად ველოდები, როდის მოტრიალდება. და აი, როგორც იქნა, "ქალღმერთის" სახეს ვხედავ...
ჯერ მისი ალბათ ოდესღაც ლამაზი თვალების ქვეშ მუქი ფერის უსიამოვნო შეშუპებებს ვხედავ, მერე პირის გარშემო ნაოჭებს, გამომშრალ კანს, დატანჯულ გამომეტყველებას, დაღლილ მზერას, რომელშიც იმედგაცრუება და რაღაცნაირი გულგრილობა იკითხება. აღფრთოვანების ნაცვლად უცებ სიბრალული ვიგრძენი.
არა. ეს არ იყო ქალღმერთი. ეს იყო ჩვეულებრივი ქალი, რომელსაც ჰგონია, რომ მოხდენილი სხეულით, რუჯით და მოკლე კაბით ავტომატურად ახალგაზრდა გოგოშკა იქნება. ჩანს, რომ ფიტნესიც ამ ქალის სხეულისთვის უცხო არაა.
ეტყობა, რომ კარგა ხანს დაუღალავად შრომობდა ფიტნეს-დარბაზში და ახლა „პლიაჟზე“ შედეგების დემონსტრირების დროა. ხომ უნდა აჩვენოს პატარა შაურმისტ-ფასტფუდა გოგოებს, რა არის მაგარი ქალი! მაგრამ, ეტყობა მთელი ყურადღება მხოლოდ სხეულზე ჰქონდა კონცენტრირებული და სახე დაავიწყდა.
ფასტფუდებს დიდი ხანია არ ჭამს, მაგრამ დილას ყავით და სიგარეტით იწყებს. იმიტომ, რომ "საბედისწერო ქალი" ყავის, სიგარეტის და ალკოჰოლის გარეშე წარმოუდგენელი ჰგონია. ფიტნესი კარგიაო, მაგრამ "ბავშვი კი არ ვარ დილა რძით და ვაშლის წვენით დავიწყოო". და საერთოდ, "ყავა და სიგარეტი ძალიან სექსუალურიაო".
ჰო და, 40 წელს რომ გასცდება ჩვენი "სვეტკი" გოგოს შეშუპებული სახე შარშანდელ კართოფილს ემსგავსება.
ფიტნესი აღარ შველის. ტანი მოხდენილი აქვს, მაგრამ სახე მაინც ბებერია. იმიტომ, რომ სპორტ-დარბაზში ძალიან გვიან, უკვე ასეთი სიფათით მივიდა. იმიტომ, რომ ფიტნესი
მანამდე უნდა დაიწყო, სანამ ბებერი თხის სიფათის პატრონი გახდები.
იმიტომ, რომ მავნე ჩვევების მავნებლობა მითი არაა - მწარე რეალობაა.
იმიტომ, რომ სტრესი, ნერვი, ბოღმა, შური, სასოწარკვეთილობა, იმედგაცრუება და ყველა ნეგატივი სახის ნაკვთების ყველა უჯრედში ისე მყარად ჯდება, რომ იმ სახის გასაკეთილშობილებლად ალბათ თვით ბუდდა დასჭირდება..
