როგორ უნდა შეეტენო ცოლად ძმაკაცს..

"რა თქმა უნდა, ქალსა და კაცს შორის მეგობრობა არსებობს", - ამას ხშირად ის ქათმუშკები გვიმტკიცებენ, რომლებიც რაც შეიძლება მეტ ბიჭს „ეძმაკაცებიან“, იმ იმედით, რომ ადრე თუ გვიან რომელიმეს ცოლად შეეტენებიან.

ლამაზებმა მაგალითად, ზუსტად იციან, რომ (ჰეტეროსექსუალ) ბიჭთან ნამდვილი მეგობრობა არ გამოდის. კაცი შენთან საჭიროზე მეტ დროს თუ "კარგავს", ესეგი "დაინტერესებულია"..

ეს მარტივი და ბანალური სიმართლე მახინჯებმაც იციან, მაგრამ რა ჰქნან? მათი ბოლო იმედი ის საწყალი „ძმაკაცია“..

მოკლედ, როგორ უნდა „შეეტენო“ რომელიმე ძმაკაცს? აგერ ინსტრუქცია, რომლეიიც 100%-ით ამართლებს.

ჯერ ერთი, გირჩევნია, ერთი მსხვერპლი შეარჩიო, იმიტომ, რომ ყველას თუ ეტენები, მსხვერპლი მიხვდება, როგორი სასოწარკვეთილიც ხარ და გაიქცევა. ამიტომ, ერთი „კარგი ბიჭი“ შეარჩიე და შეუტიე:

ყველანაირად ეცადე, რომ ფიზიკურად თუ ვირტუალურად 24 საათი ერთად იყოთ; ხშირად დაურეკე და მის სისულელეებს ისეთი ინტერესით უსმინე თითქოს ბუდდაა. 

უიქენდები დაგეგმე. ფეხბურთზეც გაყევი. მისი ძაღლის დაბადების დღე მოიმიზეზე და დაადექი კარზე. 

ყველა მის მეგობარს დაუახლოვდი. მათთან ერთად „მსხვერპლს“ ხშირად სიურპრიზები გაუკეთე. ყველგან და ნებისმიერ დროს მოულოდნელად თავზე დაადექი, (ვითომ შემთხვევით ნახე)

მოდუნების საშუალება არ მისცე, თორემ ისევ შენი კონკურენტი "სწერვა" გოგოს სტალკინგს შეუდგება ინსტაგრამზე. მოთმინება იქონიე. ("ფინიშზე" საკუთარი თავი წარმოიდგინე უზარმაზარი მუცლით  და საქორწინო კაბით :)))

მისი საყვარელი კერძების გაკეთება ისწავლე. მერე ძალით მოათრიე და აჭამე. 

იმ დონემდე მიიყვანე, რომ შენს გარეშე არსებობა ვერ წარმოიდგიონოს. ყველაფერში დაეხმარე. გახსოვდეს, შენ "ყველაზე კეთილი" და "ყველაზე ერთგული ხარ"!!

ყველა მისი უიქენდი, დღესასწაული თუ ცხოვრების მნიშვნელოვანი დღე შენთან უნდა იყოს დაკავშირებული.

აუცილებლად დედამის ან ბებიამისს ჩაუდაქალდი. 

ყველაფერი გააკეთე, რომ მისმა მეგობრებმა, კოლეგებმა და ოჯახის წევრებმა თქვენს "დუეტს" ისე მიეჩვიონ, რომ "დოლჩე და გაბანა" თქვენთან შედარებით, საცოდავ მოგონებად დარჩნენ.

ნელ-ნელა ყველას შეაპარე ის აზრი, რომ წყვილი ხართ. შეგიძლია ჭორები გაავრცელო, რომ ერთად ხართ. ამით რამდენიმე კონკურენტ გოგოს გაანეიტრალებ. 

მილიონობით ერთად გადაღებული ხალისიანი ფოტო გამოაქვეყნე სოციალურ ქსელებში. თაგებს თუ წაშლის, კიდევ დათაგე. 

თუ მას ქერა გოგოები მოსწონს, თმა შეიღებე. მერე რა, რომ შენს "ბრეჟნევის" წარბებს არ უხდება ღია ფერის თმა. თუ საჭირო გახდება, წარბებიც მოიშორე. აბა გენაცვალე, "სიყვარული" ხომ მსხვერპლს ითხოვს! :)

არ დაგავიწყდეს, ყველაზე მთავარი - მისი ოფოფიანი დედა აუცილებლად მიიყვანე კაპიტულაციამდე! ისე, რომ ბოლოს ფარხმალი დაყაროს და თქვას: "მერე რა რომ, ლამაზი არაა და რონალდოს ფეხები აქვს" ან "ყბა აქვს ორ მეტრიანი", "სამაგიეროდ ჩემი შვილიკო ძალიან უყვარს და დედიკოსავით იზრუნებს მასზე"!

დაუღალავი ინტენსიურობით შეუტიე „მსხვერპლს“ და ბოლოს აუცილებლად მოიგებ! მთავარი მოთმინებაა. 

შეიძლება თავიდან ცოტა მორიდებულად იქცეოდეს, მაგრამ აი ნახავ, ის საბრალო ბიჭი, მალე „დრაკონების დედოფალ“ ქხალისიზე მასტრუბირებას (დროებით) შეწყვეტს და შენსკენ მოიხრება. მაგ დროს უცებ „შეაჯექი“, იყოჩაღე და ცხვირით მიათრიე ქორწინების სახლამდე. აბა შენ იცი! 

მერე სასწრაფოდ სამი-ოთხი შვილი გაუჩინე და სოციალურ ქსელში დათაგე ყოველდღე. აუცილებლად ბავშვებთან ერთად.

ის შენთან 15-20 წელი იცხოვრებს და მერე 45 წლის ასაკში, უკვე გამელოტებულ დაღიპანებული, „მოჯადოებული პრინცივით“ აზრზე მოვა და აქვითინდება, რომ საუკეთესო წლები ეშმაკუნა, აფერისტ გომბეშოსთან გაატარა.

ამას რატომ ვწერ? იმისთვის, რომ თავი უნდა დაანებო ადამიანს, რომელსაც არ უყვარხარ. სიყვარული ძალით "შეტენვას" არ გულისხმობს, სიყვარული ის არის, როცა საყვარელ  ადამიანს უფრო სწორი არჩევანის გაკეთების უფლებას უტოვებ.

იხ. ძმა-ქალი (ქალი - ძმაკაცი)